jueves, 6 de octubre de 2016

FLORA ABRE DE NOVO AS PORTAS DA BIBLIOTECA

Como xa sabedes o pasado luns 3 de outubro Flora abriu de novo a súa biblioteca para todos  os nenos e nenas da escola, así como para as súas familias.

Este ano trae moitas novidades  porque durante o verán estivo argallando novas aventuras para compartir con todos nós.  A primeira delas foi a entrega, este mércores, das primeiras mochilas viaxeiras.

Flora quedou encantada co recibimento e agarda ter moitas visitas todos os días, de feito xa está pensando na seguinte sorpresa para vós.

domingo, 1 de mayo de 2016

LEMBRANDO A MANUEL MARÍA

Este ano 2016 o DÍA DAS LETRAS GALEGAS está adicado a MANUEL MARÍA. Os nenos e nenas do noso colexio, xunto coas súas familias rendÍronlle a súa particular homenaxe.

NOVIDADE DO MES DE FEBREIRO

Os nenos e nenas de 2º de Primaria presentaron o libro De quién es este rabo? de Barberis. Que ben pintaron os debuxos e que ben o fixeron.

NOVIDADE DO MES DE XANEIRO

No mes de xaneiro os nenos e nenas de 3º de Primaria ensináronnos un montón de cousas sobre o cómic.

miércoles, 24 de febrero de 2016

DÍA DE ROSALÍA DE CASTRO


Hoxe, 24 de febreiro celebramos o aniversario do nacemento de Rosalía de Castro. Para celebrar este día os nenos e nenas do colexio escribiron unha postal que hoxe mandaron por correo ás súas familias. Ademais como sucede en datas especiais o CORO DA CASA fixo unha das súas actuacións.

video

domingo, 31 de enero de 2016

30 DE XANEIRO O DÍA INTERNACIONAL DA PAZ

Os nenos e nenas do colexio para celebrar o Día da Paz, elaboraron unha chea de CARAMELOS PARA A PAZ. En cada un deles podíamos atopar unha mensaxe distinta. Mensaxe que ao mesmo tempo era un desexo para eles.

lunes, 18 de enero de 2016

O CONCELLO DE XOVE ENTREGOU OS PREMIOS DO CONCURSO DE NADAL

O pasado martes, 12 de xaneiro, o Concello de Xove entregou os premios do concurso de Nadal.
Na categoría preescolar recibiron premio Paula Sánchez Pernas, Yoel López González e Aroa Pita Rodríguez; en 1º e 2º de primaria Eduardo Flores Escobar, Uxía Cradaille Durán e Diana Maseda Rivas; na categoría de 3º e 4º de primaria Iago De Vicente Docobo, Judith Suárez Azogue e Emma Buján Rouco; entre os nenos de 5º e 6º elixiron as postais de Kevin Castro, Alejandro Parapar Fernández e Iker Costa González.

NORABOA A TOD@S!!!!



domingo, 17 de enero de 2016

NOVIDADE DO MES DE DECEMBRO

"Aquiles o puntiño". Xurdiu dunha folla en branco e fíxose a si mesmo. Un destino igual ao que tivo Aquiles pode que teñan outros moitos puntiños que adorna a noite: as estrelas.


Neste caso os encargados de representalo foron os alumnos e alumnas de 4º.  A que o fixeron moi ben?

jueves, 24 de diciembre de 2015

OS NENOS E NENAS DO COLEXIO FELICITAN O NADAL

video

NOVIDADE DO MES DE NOVEMBRO

No mes de Novembro o alumnado de 6º  deunos a coñecer o libro "Caixa de Cartón".

Aquí tedes un vídeo para ver o ben que o fixeron.
video

DÍA DA CIENCIA

O día 4 de novembro celebrouse o Día da Ciencia en Galego. Este ano a homenaxeada  foi María de los Ángeles Alvariño.

Como oceonógrafa que foi o noso colexio decidiu rendirlle unha homenaxe elaborando con plastilina animais mariños. 
Como sempre o resultado final foi exposto na entrada do colexio.
 

domingo, 8 de noviembre de 2015

NOVIDADE DO MES DE OUTUBRO

 "¿Qué te gustaría ser de mayor?" de Violeta Monreal foi o libro que escolleron os alumnos e alumnas de 5º curso para a "Novidade do mes de outubro".

Hai moitos tipos de traballo: fáciles e difíciles, ao aire libre e na oficina; traballos nos que temos que pensar e nos que temos que construír; traballos que son seguros e perigosos; traballos solitarios e nos que se trata coa xente. Os nenos e nenas de 5º pensaron en todos e cada un deles e dicidiron cal é o que lles gustaría ter a eles de maiores. 
Mirade que ben o fixeron e canto nos gustou!!!!!

SAMAÍN 2015

As cabazas fixéronse donas do noso colexio. Os nosos nenos e nenas quixeron celebrar o Samaín.

Como todos os anos estamos a celebrar a Carreira do Medo. Nesta ocasión a dragoa Flora dálles pistas para que busquen uns libros na biblioteca.  Teñen que atopar o libro porque dentro del van atopar unha peza do puzle.

 

viernes, 23 de octubre de 2015

24 DE OUTUBRO. DÍA DAS BIBLIOTECAS ESCOLARES

O sábado 24 de outubro  é a festa de todas as bibliotecas escolares. Todos estes días xa vin como os nenos e nenas do colexio andan buscando pistas por todolos sitios.

A que non vos imaxinades que están facendo? Andan a procura de pistas que lles axuden a atopar o seu explorador ou exploradora.

Agardo para a semana poida ver eses traballiños.

Unha apreta

FLORA

viernes, 16 de octubre de 2015

ESCARLATINA, A COCIÑEIRA DEFUNTA

A autora galega, Ledicia Costas, foi galardonada co Premio Nacional de Literatura Intantil e Xuvenil, na súa edición 2015, coa súa obra Escarlatina, a cociñeira defunta.

Esta obra conta, ademais, co premio Merlín de Literatura Infantil, o premio Fervenzas Literarias, o premio Xosé Neira Vilas da Asociación Galega de Editores e foi incluída na lista de Honra do International Board on Books for young people para o 2016. Os debuxos que aparecen no libro son do ilustrador Víctor Rivas.
Se vos gusta a cociña seguro que vades a desfrutar co libro.

Tamén escribíu, con Pere Tobaruela, Ouro negro.

Na biblioteca podedes atopar calquera dos dous libros.




NORABOA LEDICIA!!!!!

sábado, 10 de octubre de 2015

AS MOCHILAS VIAXEIRAS

Este mércores Flora repartiu entre os nenos e as nenas do noso colexio as primeiras mochilas viaxeiras. 
Cada 15 días estas mochilas emprenderan unha viaxe con un novo destino. 
Agardamos que disfrutedes da lectura.

FLORA ABRE DE NOVO AS PORTAS DA BIBLIOTECA

Desde esta semana a biblioteca abre de novo as portas. Flora está agardándovos e  convida a todos os nenos e nenas a que fagan uso da mesma. Sen olvidar que as familias tamén  a poden visitar.

Un libro aberto é un cerebro que fala; pechado un amigo que espera; olvidado, un alma que perdona; destruído, un corazón que chora. (Proverbio hindú)

martes, 27 de mayo de 2014

NOVIDADE DO MES DE ABRIL



E nesta ocasión foron as alumnas e alumnos de 1º os que nos deleitaron con esta  fermosa obra de teatro do conto "A cebra Camila" de Marisa Núñez e ilustracións de Óscar Villán. Este libro conta a historia de Camila, una cebra que, por non facerlle caso aos consellos de súa nai, perde as súas raíñas. Como faría esta pequena cebra para conseguilas de novo?









cebra - Movie Maker

miércoles, 23 de abril de 2014

DÍA INTERNACIONAL DO LIBRO

O Día Internacional do Libro é unha conmemoración celebrada a nivel mundial para fomentar a lectura e os dereitos de autor. Escolleuse este día 23 de abril porque este mesmo día do 1616 faleceron os escritores Miguel de Cervantes, Shakespeare e Garcilaso de la Vega.
Dende o colexio quixemos festexar este día dun xeito moi especial. Cada curso elixiu un conto e escribiuno en 8 postais. En cada unha delas hai unha oitava parte do conto e unha ilustración que o acompaña.
Estas postais enviaranse, a outra clase xa asignada, de forma desordenada en diferentes días nun periodo de 3 semanas. Ao finalizar, deberan ordear o conto e adiviñar de cal se trata.

Hoxe, Día do Libro, recibiron a súa primeira postal !!!! 


INTERPRETACIÓN PLÁSTICA DAS PLANTAS

Co obxectivo de coñecer a flora galega e a súa situación xeográfica, o alumnado de 5º elaborou un conxunto de fichas técnicas sobre plantas da nosa comunidade e logo representáronas de forma plástica con acuarelas, empregando a técnica e as cores máis axeitadas.
Para que todo o centro poidera contemplar o traballo realizado e aprender un pouco máis sobre a flora que nos rodea, realizouse unha exposición nas paredes das escaleiras.
Moi bo traballo rapaces e rapazas!

NOVIDADE DO MES DE MARZO




O alumnado de 2º escolleu este libro para presentar como a "Novidade do Mes". O Grúfalo de Julia Donaldson coas ilustracións de Axel Scheffler é unha fábula sobre o poder do maxín pero tamén do medo.  Grazas á editorial Parasdepeixe, temos a sorte de contar con este simpático álbum na nosa lingua.

Aqui podedes ver o ben que o fixeron estes nenos e nenas! Que ben o pasamos!!

jueves, 3 de abril de 2014

REGALAMOS POESÍAS

Para celebrar o Día da Poesía fixemos unha actividade ben bonita, a cal consistía en copiar unha poesía que che gustara facendo referencia ao libro e ao escritor ou escritora e ilustrala cun debuxo.
O pasado 21 de marzo estas poesías convertéronse en agasallos para numerosas tendas do noso concello. Pola compra dalgún produto, agasallában unha aos seus clientes coa finalidade de mostrar o fermosa que é a poesía e invitalos a lela dun xeito moi orixinal.

DÍA DA MULLER TRABALLADORA

Para celebrar o día da muller traballadora, o alumnado de 3º curso realizou a biografía dunha muller da súa familia.
Non foi un traballo doado xa que anteriormente tiveron que preparar unha entrevista para logo poñerse en marcha coa redacción da biografía.


ROSALÍA DE CASTRO

O día 24 de febreiro celebramos o 177 aniversario do nacemento de Rosalía de Castro. Ademais de traballar na aula sobre a figura desta importane escritora, elaborouse, por ciclos ou cursos, estes fermosos murais que penduramos nos corredores.


CHEGOU O ENTROIDO!

A última semana do mes de febreiro festexamos o entroido no noso colexio. Comezamos a semana coas instruccións do Meco: o luns levamos un pano no pescozo, o martes un sombreiro na cabeza, o mércores unha flor e o xoves unha luva na man esquerda.
Para rematar a semana, o venres realizamos o desfile e baile de entroido no noso ximnasio.. Como este ano estamos co proxecto de "Planto plantas", espantallos, xardiñeiros, vendedores de froita e verdura, froitas, agricultores e consumidores primarios, foron os disfraces elexidos para este día.
Pasamos unha tarde do máis divertida!